KHAWTHLIR

Aizawl West College NSS unit chuan nimin khan an college-ah blood donation camp an huaihawt a, Aizawl Civil Hospital tan thisen unit 31 an pe a, petute mipa 23 leh hmeichhia pariat an ni.

Buhchang leh Phaisen inkarah kawng siam mek a nih avangin Vairengte Sub-Divisional Magistrate chuan lirthei tlan hun siam a nih thu 

a puang a, January 31 aṭanga hman niin, thu leh awm hma chuan hman tur a ni. Zing 8 aṭanga tlai 5 inkarah LMV leh a aia tête tlân phal a ni a, tlai 5 aṭanga a tuk zing 6 inkarah lirthei reng reng tlan phal a ni lo. Magistrate, ambulance leh police duty-te chu ruahmannain 

a huam lo thung.

Mamit district chhung, Rengdil khuaa ICAR-in self help group-te tana kuhva káwr aṭanga thlèng (plate) siamna khawl an bunsak chu nimin khan Mamit DC Dr Lalrozama'n a hawng. Mamit district-a kuhva káwr aṭanga thlêng siamna khawl bun hmasak ber a ni.

Chhiahtlang leh 

Lam­chhip inkar kawng siam mek a nih vangin kumin February 2 aṭanga April 30, 2020 chhungin he kawngpuiah hian lirthei tlân phal a ni lo. Zemabawk huam chhunga petrol pump leh Ṭawng­ṭaina Mual inkar kawngpui, leiminin a hnawh chu PWD-in February 2, 2020 zan dar 7 aṭangin an thian a, thenfai hna zawh a nih hma chu hnathawh hun chhungin kawngpuiah lirthei tlan phal a ni 

lo bawk.

Siaha DC Bhupesh Chaudhary hmalaknaa GAIL-in an CSR aṭanga an siam, Siaha Higher Secondary School-a smart class room thar chu nimin khan minister of state Dr K Beichhua, bialtu MLA-in a hawng. K Beichhua chuan, smart classroom chuan state topper-te pawh a chher chhuah ngei a beisei thu a sawi. Smart classroom hi Siaha district-a sikul parukah class room pahnihah ṭheuh hawn a ni ang.