ASF lênna hmun hmuh belh

Tun hnaia vawk pasarih thihna khua - Kawlkulh, Puilo leh Chhawrtui te chu June 11, Zirtawpni khan AH&Vety department mithiamte'n an enfiah a, rapid test hmangin African Swine Fever hri vanga thi an ni tih finfiah a ni.

Vawk thi hi Kawlkulhah pakhat, Puiloah pahnih leh Chhawrtui khuaah pali a awm a, AH&Vety mithiamte chuan ASF a ni tih nemngheh nan sample-te chu hmunpui lamah an thawn a ni.

Lengteng bialtu MLA L Thangmawia chuan June 12, Inrinni khan a bial chhunga vawk hri léng khuahkhirh nan hmanraw chi hrang hrang - chinai ip riat, bleaching ip 10, sodium hypochlorite bûr hnih leh sprayer pahnih a pe.