Mamit DC-in Chuhvel a tlawh

Mamit district-a Assam leh Mizoram inrína, Chuhvel ram chhunga thlám sak mek, May 30, 2021-a Assam sorkar mi, uniform hate'n kalchilh a, sa chhunzawm tawh lo tura an hriattir chungchangah Mamit DC Dr Lalrozama'n June 12, Inrinni khan Chuhvel a tlawh a; chîâi lo tur leh sorkar hmalakna ngaichâng turin mipui a ngen.

Kumin May 30 khan Chuhvel rama John Haliday-a'n a huana thlám a sak mek chu Assam sorkar mite'n a hmunah an kalchilh a, thlám sak chhunzawm tawh lo turin an hriattir a ni.

Mamit Bawrhsap hi Chuhvel leh Saikhawthlir khawtlang hruaitu V/C leh YMA-te'n an lo dawngsawng a; ram pass lehkha hlui awm ang angte lo indap khawm tur leh sorkar lamah hmalak zel a nih dawn thu a sawi.

Mamit DC hian Hailakandi DC chu June 12 vêk khan lehkha a thawn a, Chuhvel ram chu Assam sorkar mite'n tlawh tawh lo turin a hriattir a ni.

Sorkar thuchhuah tarlan danin, Chuhvel ramah boruak muanawm a awm theih nan Mizoram IR/MAP Combatant Force eng emaw zatin ni tin patrolling an nei ṭhin a, CRPF dah turin hmalak mek a ni bawk.