Sports hub-ah Champhai district siam kan tum - Robert Romawia

Minister of state Robert Romawia Royte chuan March 9-10, 2020 khan Saitual, Khawzawl leh Champhai district-a a enkawl department hmunhmáte a tlawh a; Champhai district chu infiamnaa theihna sang tak nei a nih avangin sports hub (hmunpui)-ah siam an tum thu a sawi.

Robert Romawia Royte hian Keifanga football khelmual siam mek leh phûl lem phah hna thawh leh basketball court siamna tur hmun a tlawh a; phûl lem phahtu contractor chu uluk taka thawk tur leh April 2020 chhunga zo hman turin a hrilh. Dulte khelmual leh Kawlkulh khelmualte a enfiah bawk.

Sports Minister chuan Khawzawl Mualvawm field-a phûl lem phah mek pawh a enfiah a, lung hman ṭha lo leh pipe pan lutuk chu thlâk vek turin contractor a hriattir. Minister chuan, Khawzawl Kawnzàra sports complex din chungchanga bialtu MLA Tawnluia, deputy CM rawt angin EAP scheme hnuaiah DPR siam mek a nih thu a sawi.

Robert Romawia chuan, Champhai Chhangphut Field leh New Champhaia district sports complex-te a tlawh a; Champhaia sport association hrang hrang hruaitute nen Circuit House-ah an inkâwm bawk a ni.