District-ah inkaihhruaina tur siam a ni

Covid-19 léng avanga June 21, 2021 thlenga Mizorama total lockdown kalpui turah district hrang hranga sorkar hotute chuan an district chhunga inkhàrkhip inkaihhruaina an siam a, zâwm ṭheuh turin mipui an ngen.

Aizawl khawpui tih loh zawngah chuan DC/DDMA-te chu an district dinhmun zir chiang a, an district tana inkhuahkhirhna siam tura tih an ni a; Covid-19 laka invênna atana ṭul apiangah ruahmanna siama inkhuahkhirhna kalpui phalsak an ni.

Total lockdown laia sorkar thupek zâwm lote chu Disaster Management Act, 2005 Section 51-60, The Mizoram (Containment & Prevention of the Spread of Covid-19) Act, 2020 leh IPC Section 188 hmangin hrem theih a ni.