COVID-19: Mizoram dinhmun : Hripui vei 98 hmuh belh a ni

June 13, Pathianni khan Mizoramah Covid-19 vei mi 98 hmuh chhuah a ni a, June thlaa hmuh chhuah tlem ber ní a ni. Nimin khan hripui laka fihlim tawh mi 88 chhuahtir an ni a; Pathianni zan leh nimin khan mi paruk an thi thung.

Covid-19 vei hmuh tharte chu mipa 45 leh hmeichhia 53 niin, Aizawla veng 21 leh khaw dang 11-a mite an ni a; TrueNAT-PCR hmanga hmuh chhuah mi paruk leh RAT hmanga hmuh mi 92 an a ni. ZMC labo­ratory-ah swab sample endik a ni lo.

Hripui vei hmuh thar mi 98 zingah naupang kum tling lo 25 aia tlem lo awmin, a naupang ber chu thla 5 mi a ni a, a tam berin symptom an nei. Kum 60 chung lam 10 chuang awmin, a tam zawkin symptom an nei a, a upa ber kum 84 mi pahnih zinga pakhat zawkin symptom a nei a ni. June thla bikah hripui vei mi 2,976 hmuh chhuah a ni tawh.

Mizoramah Covid-19 vei mi 15,363 hmuh chhuah a ni tawh a, mipa 8,930 leh hmeichhia 6,433 an ni. Nimin tlai dar 5:00 thleng khan mi 11,836 (77.04%) chhuahtir an ni tawh a, mi 69 (0.45%) thi tawhin, enkawl mek mi 3,458 (22.51%) an awm.

June 13, Pathiannia swab sample endik dan chu - TrueNAT-PCR hmangin district pathumah 101 leh RAT hmangin district pakuaah 850 a ni a, a vaiin sample 951 (mipa 623 leh hmeichhia 328) niin, chu'ng aṭanga hripui vei hmuh chhuah 98 chu 10.30% a tling. Positive hmuh chhuah percentage hi mipaah 7.22 leh hmei­chhiaah 16.15 a ni.

Pathiannia district-a Covid-19 positive hmuh dan chu - Aizawl district-ah 85, Lunglei district-ah paruk, Kolasib district-ah pali, Siaha district-ah pahnih leh Hnahthial district-ah pakhat a ni. IDSP tarlan danin, mi 98-te chu Covid-19 symptom nei 83 leh nei lo 15 an ni a; mi 96 chu Mizorama kái chhâwng an ni a, mi pahnih chu tun hnaia state páwn aṭanga rawn lut an ni thung. Tualchhunga kai zingah kàina chin hriat loh mi 37 an awm bawk.

TrueNAT-PCR hmanga hmuh chhuah mi parukte chu tualchhunga kái pali leh state pawn aṭanga rawn lut pahnih an ni a, symptom nei an awm lo. RAT hmanga hmuh chhuah mi 92-te chu symptom nei 83 leh nei lo pakua an ni a; tualchhunga kái vek niin, kaina chin hriat loh 37 an awm.

Containment zone pahnih - Sairang Dinthar leh Tanhril Ramrikawnah RAT hmangin active case search tih a ni a, chuta ṭang chuan hripui vei Sairang Dintharah mi 12 leh Tanhril Ramrikawnah mi pali hmuh chhuah a ni.
Nimin khan tlai dar 5 thlengin hripui laka fihlim tawh mi 88 chhuahtir an ni a, Lunglei district-ah mi 32, Aizawl district-ah 25, Kolasib district-ah 14, Serchhip district-ah pakua, Siaha district-ah pali, Khawzawl district-ah pathum leh Mamit district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,506 hmuh chhuah a ni tawh a, TrueNAT-PCR hmangin 1,165 leh RAT hmangin 8,691 hmuh chhuah a ni tawh.

June 13, 2021 thlengin Mizoramah swab sample 4,32,208 endik a ni tawh a, chu'ng aṭanga Covid-19 positive hmuh tawh zat 15,363 chu 3.55% a ni. Hripui vei hmuh tawh zinga mi 11,660 chu Mizoram chhunga kái chhâwng an ni a, mi 3,703 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 1
Armed Veng 1
Armed Veng South 10
Bethlehem Veng 4
Bethlehem Vengthlang 1
Chanmari West 1
Chhinga Veng 5
Dawrpui 1
Durtlang 1
Dinthar 6
Edenthar Veng 3
Hunthar Veng 2
ITI Veng 1
Nursery Veng 1
Phunchawng 12
Republic Veng 1
Saron Veng 9
Tanhril Ramrikawn 4
Zarkawt 3
Zotlang 1
Zuangtui 1
Sairang Dinthar 12
Tuirial 2
Seling Venglai 1
Sihphir 1

LUNGLEI DISTRICT
Lunglei Venglai 4
Tuichawng 2

SIAHA DISTRICT
Meisavaih East 1
Thiahra 1

KOLASIB DISTRICT
Bairabi 2
Vairengte 2

HNAHTHIAL DISTRICT
Darzo 1