RT-PCR bun tura ngenna HC Division Bench kutah

RT-PCR for Chhimbial-te'n Lungleiah RT-PCR bun a nih theihna atan hma la tura ngenna, public interest litigation (PIL) an thehluh chu Gauhati High Court (GHC), Aizawl Bench chuan Division Bench ngaihtuah turin a dah.

RT-PCR for Chhimbial-te'n PIL an thehluh hi nimin khan Gauhati High Court Single Bench-ah pharh a ni a, GHC, Aizawl Bench Registrar chu PIL ngaihtuahtu tur Division Bench (judge pahnih awmna) siam tura tih a ni. Division Bench hian PIL chu ngaihtuah zui tlak a nih leh nih loh a ngaihtuah phawt ang.

PIL chungchang hi Virtual Court hmangin sawi­ho a ni a, RT-PCR for Chhim­bial tan Delhi aṭangin ukil JC Lalnun­sanga a ding a, sorkar tan C Zoramchhana a ding thung.