Optical fiber tihchhiatah FIR thehluh a ni

Covid Task Force on Mobile and Internet Services chuan thuchhuah siamin, Mizoram hmun hrang hrangah optical fiber cable (OFC) tihchhiat a awm avangin police-ah FIR an thehluh thu an tarlang.

Task Force on Mobile and Internet Services chuan, fibre cable pawimawhzia hriaa vènpui tur leh dimdawi turin khawtlang hruaitute leh mipui an ngen a, "Fiber-te hi a chah chuan a tuartute chu mipui kan ni a, tunlaiah chuan zirlaite'n an tuar nasa lehzual. OFC tichat/tichhia kan hriat chuan thuneihtute hnenah a rang lama hrilh vat turin kan ngen a ni," an ti.