Chief Minister-in SRDC office a hawng
Sialkal Range Development Council (SRDC) office thar, Mimbung khuaa mi chu nimin khan chief minister Zoramthanga'n a hawng. Chief Minister chuan, SRDC chu council puitlinga hlàn a nih theih nan sorkarin theihtawpa hma a lâkpui tur thu a sawi.
CM Zoramthanga chuan, SRDC chu council puitlinga hlan kai a nih theih nan sorkarin theihtawpa hma a lak tur thu sawiin, buha intodelh theih nana leilet siamnaah hmalakpui tura an ngen chungchangah, project siam turin a chah a, "Sorkarin lo bawhzuiin hma a lo lâkpui zui dawn a ni," a ti.
Zoramthanga chuan, SRDC huam chhung leh Manipur inkalpawhna turin lei ṭha zawk dawh tuma hmalak a nih tur thu a sawi a; higher secondary school-te theihtawpa puih dan kum tharah a ngaihtuah tur thu te, inkalpawhna kawng ṭha zawk siam turin SRDC area-ah theihtawpa hmalak a nih tur thu te, SEDP kaltlangin thing theirah chi leh a dangte tihhmasawn tura hmalak tum a nih thute a sawi bawk.
SRDC member Ṭang laite
Chairman : L Thangmawi, MLA
Vice Chairman : Ginlianthang, VCP, Vaikhawtlang
Member Secretary : Vanlalṭanpuia, SDO, Ngopa
Member-te
1. Dr ZR Thiamsanga MLA
2. Dampau Guite VCP, Mimbung
3. Lamzathang VCP, Teikhang
4. Thangdokap VCP, Hrianghmun
5. G Kaizamuan VCP, Kawlbem
6. Thangngaihliana VCP, Selam