Lawngtlaiah Green MJA Day hmang

Mizoram Journalists' Association (MJA), Lawngtlai district chuan nimin khan 'Green MJA Day' an hmang a, district bawrhsap Dr Andrew H Vanlaldika'n a hmanpui. He hunah hian DC Bungalow chhehvelah thing ṭiak 20 vel an phun a ni.

Dr Andrew H Vanlaldika chuan, thing phun leh enkawl zui chungchangah mipuiin hma an sawn nasaa a hriat thu sawiin, "MJA-te'n thing phun uar tura mipui zirtirna te, enkawl zuinaah ṭan lak a ngaihziate chanchinbua ziah mai duh tâwk lo a, a taka in thawk chhuak hi a lawmawm tak zet a ni," a ti.

Lawngtlai district MJA president Lalngheta Ralte chuan, Green MJA Day chu mi dangte'n thing phun leh enkawl zui lama ṭan an lâk theih nan te, kawngpui kam leh sorkar department hmuna thing ṭiak phun nan leh thing phun tawh sa enkawla thawm ṭhat nante an hman ṭhin thu a sawi.