COVID-19: Mizoram dinhmun Hripui vei 268 hmuh belh a ni

June 14, Thawhṭanni khan Mizoramah Covid-19 vei mi 268 hmuh chhuah a ni a, June thla ni 14 chhungin mi 3,245 hmuh chhuah a ni tawh. Nimin khan hripui laka fihlim tawh mi 194 chhuahtir an ni.

Covid-19 vei hmuh tharte chu mipa 143 leh hmei­chhia 125 niin, Aizawla veng 41 leh khua/hmun dang 20-a mite an ni a; ZMC laboratory-a hmuh chhuah mi 89, TrueNAT-PCR hmanga hmuh mi pahnih leh RAT hmanga hmuh mi 177 an ni.

Mi 268 zingah naupang kum tling lo 70 awmin, a zatve velin symptom an nei a; nausen kum khat tling lo pali an tel. Kum 60 chung lam 10 chuang awmin, a tam zawkin symptom an nei a, a upa ber kum 87 mi pawhin symptom a nei. June thla bikah hripui vei mi 3,245 hmuh chhuah a ni tawh.

Mizoramah Covid-19 vei mi 15,631 hmuh chhuah a ni tawh a, mipa 9,073 leh hmeichhia 6,558 an ni. Nimin tlai dar 5:00 thleng khan mi 12,073 (77.24%) chhuahtir an ni tawh a, mi 70 (0.45%) thi tawhin, enkawl mek mi 3,488 (22.31%) an awm.

June 14, Thawhṭannia swab sample endik dan chu - ZMC laboratory-ah 1,508, TrueNAT hmangin district parukah 92 leh RAT hmangin district 11-ah 2,648 a ni a, a vaiin sample 4,248 (mipa 2,376 leh hmeichhia 1,872) niin, chu'ng aṭanga hripui vei hmuh chhuah 268 chu 6.30% a tling.

Thawhṭannia district-a Covid-19 positive hmuh dan chu - Aizawlah 200, Kolasib-ah 28, Lawngtlaiah 10, Siahaah pariat, Lunglei leh Saitualah pasarih ve ve, Mamitah panga leh Serchhipah pathum a ni. IDSP tarlan danin, mi 268-te chu Covid-19 symptom nei 144 leh nei lo 124 an ni a; mi 257 chu Mizorama kái chhâwng an ni a, mi 11 chu tun hnaia state páwn aṭanga rawn lut an ni thung. Tualchhunga kai zingah kàina chin hriat loh mi 92 an awm bawk.

ZMC-a hmuh chhuah mi 89-te chu symptom nei pariat leh nei lo 81 an ni a; tualchhunga kái 84 awmin, an kàina chin hriat vek an ni a, naupang 23 aia tlem lo an tel. TrueNAT hmanga hmuh mi pahnih chu tualchhunga kái, symptom nei lo ve ve an ni. RAT hmanga hmuh chhuah zinga a tam berin symptom an nei a, tualchhunga kái zingah kàina chin hriat loh 91 an awm.

Covid-19 lêng hluarna khua/veng ṭhenkhatah active case search tih a ni a, chu'ng aṭang chuan hripui vei mi 35 hmuh chhuah an ni. Sairang Dintharah mi 13, Dinthar vengah pakua, Tanhril Ramrikawnah panga, Tuithiangah pali leh, Kanan Veng leh Ramhlun South-ah pahnih ve ve hmuh chhuah a ni.

Nimin khan tlai dar 5 thlengin hripui laka fihlim tawh mi 194 chhuahtir an ni a; Aizawl district-ah mi 113, Kolasib district-ah 31, Lunglei district-ah 26, Lawngtlai district-ah 19, Mamit district-ah pathum leh, Champhai leh Serchhip district-ah pakhat ve ve an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,595 hmuh chhuah a ni tawh a, TrueNAT-PCR hmangin 1,167 leh RAT hmangin 8,868 hmuh chhuah a ni tawh.

June 14, 2021 thlengin Mizoramah swab sample 4,36,556 endik a ni tawh a, chu'ng aṭanga Covid-19 positive hmuh tawh zat 15,631 chu 3.58% a ni. Hripui vei hmuh tawh zinga mi 11,917 chu Mizoram chhunga kái chhâwng an ni a, mi 3,714 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng 5
Armed Veng South 16
Bawngkawn 8
Bethlehem Veng 1
Bethlehem Vengthlang 4
Chanmari 2
Chawnpui 3
Dawrpui 2
Chhinga Veng 1
Dawrpui Vengthar 1
Dinthar 16
Durtlang 2
Edenthar Veng 3
Electric Veng 9
ITI Veng 1
Kanan Veng 4
Khatla 6
Lungverh 5
Maubawk 1
Melthum 1
Muanna Veng 1
Phunchawng 6
Ramhlun Sports 6
Complex
Ramhlun South 3
Ramthar Veng 2
Republic Veng 1
Republic Vengthlang 4
Saron Veng 14
Tanhril Ramrikawn 5
Tuikhuahtlang 2
Tuikual North 3
Tuikual South 2
Tuithiang Veng 5
Ṭhuampui 2
Upper Republic 4
Vaivakawn 3
Venghlui 3
Zarkawt 17
Zokhawsang 1
Zuangtui 1
Sairang Dinthar 13
Sihphir 4
Tuirial 1
Tuirial Airfield 3
Tuirial (CRPF camp) 2

LUNGLEI DISTRICT
Lunglei Chanmari 2
Lunglei College Veng 1
Lunglei Electric Veng 3
Lunglei Salem Veng 1

SIAHA DISTRICT
New Siaha West 1
Saikao 7

KOLASIB DISTRICT
Rengtekawn 10
Vairengte 6
Kolasib Venglai 5
Kolasib Tuiṭha Veng 2
Kolasib Gosen Veng 1
Kolasib Salem Veng 1
Kolasib Vengthar 1
Bualpui 1
Kawnpui Venglai 1

SERCHHIP DISTRICT
Chhiahtlang 1
Chhingchhip 1

LAWNGTLAI DISTRICT
Chawngte 8
(Kamalanagar)
Chawngte-L 1
Bajeisora 1

MAMIT DISTRICT
Assam (Kanhmun) 4
Tripura (Kanhmun) 1

SAITUAL DISTRICT
Mimbung 5
Keifang 2