Discharge protocol sawifiah

Health department chuan nimin khan hriattirna tichhuakin, natna benvawn nei Covid-19 veite hripui laka an fihlim huna an inenkawl zui dan tur a tarlang a; "Covid-19 hri kái, enkawlna hmun aṭanga ni 10 hnua exit test tiha negative tih hriat chiante chu discharge protocol ding lai angin ni sarih chhung uluk taka inkhung hran tur a ni," a ti.

Health department tarlan danin, Covid-19 laka fihlim tawhte chu natna dang nei an nih a, an natna chu enkawl a ṭul chuan, an inkhung hran hun chhung turah damdawi-in pangngai khawiah pawh damlo dangte anga admit-a enkawl tur an ni a; chutiang tur chuan Covid-19 veite enkawlna hmun viltu medical officer-in negative certificate a siamsak tur a ni.