Mimal damdawi-in 12-te'n Covid-19 vaccine an pe dawn

Non Govt. Hospital Assocation of Mizoram (NGHAM) chuan thu­chhuah siamin, vawiin aṭangin mimal damdawi-in hrang hrangah Covid-19 laka invenna damdawi (vaccine) Covishield lak theih a ni dawn tih an tarlang.

NGHAM tarlan danin, mipuiin Covid-19 vaccine rang zawka an lâk theihna turin hma an la a, dose 12,000 an chah thleng a ni. Vaccine an pek tur chu Covishield a ni a, a lak man chu dose khat Rs. 630 niin, sorkar laipui kaihhruaina angin service charge Rs. 150 a awm a, a vaia senso ngai chu Rs. 780 a ni.