Inen hranna thlen thei chi Inkhuahkhirhna siam phal lo

Aizawl DC Dr Lalhriat­zuali Ralte chuan nimin khan inen hran theihna thlen thei tura inkhuah­khirhna siam phal loh a nih thu a puang a; thupek zâwm lote chu Disaster Management Act Section 51-60 hmanga hrem theih an ni tih a tarlang.

Bawrhsap chuan, "June 9, 2021-a Gauhati High Court thuchhuakin a sawi ang leh DMR department aṭanga lehkha hmuh angin, Aizawl district-a Covid-19 darh zau zel tur vên dan tur ruahmanna siamnaah leh inkaihhruaina siamnaah chî leh chî, hnam leh sakhua/kohhran hrangte inthliar hranna lam hawiin emaw, in hmuh thiam loh leh inen hran theihna thlen thei turin emaw inkhuahkhirhna dan siam loh tur a ni," a ti.

Aizawl Bawrhsap chuan, SOP pêlin khua/vengin inkhuahkhirhna hranpa siam loh tur a nih thu leh, ṭul leh pawi­mawhah chuan DC emaw, a aiawhte emaw hnenah ziaka thlen tur a nih thu a tarlang bawk.