MNF-in OFC vènpuiah mipui sáwm

MNF party chuan thuchhuah siamin, tunlaiin telecom service-te hrui thlun optical fibre cable (OFC) tihchhiat leh tihbun a hluar hle niin an tarlang a; pawi an tih thu sawiin, tihchhiat theih laka veng turin mipui an chah.

MPC chuan, OFC tihchhiat vangin internet a ṭha tâwk lo ṭhin tih sawiin, "Tunlai hian zirlai ṭhahnem takin exam an hmachhawn mek a, zirlai tam takin online class an kal mek bawk. Internet ṭha mamawh nasat vanglai taka mi ṭha lo leh kuthleite avanga zirlaite'n harsatna an tâwk ṭhin hi pawi kan ti tak zet a ni," an ti.

Telecom service-te hrui tihchah chíngte chu ti tawh lo tura chahin MNF chuan, "Hetiang ti ṭhin kuthlei leh misualte vèn kawngah khawtlang hruaitute leh mipuite ṭangtlang turin kan inngen a ni. OFC tihchhiat chíngte ngaihven a, man chhuak tur hian mipui kan ṭan rual a ngai hle. Misualte hian sorkar pawi an tawk mai a ni lo a, mi zawng zawng pawi an tawk tel a ni," an ti a; OFC veng tlang turin mipui an ngen.