Minister-in sorkar zirtirtute a fuih

Lunglei West bialtu MLA C Lalrinsanga, minis­ter chuan Thawhṭanni leh nimin khan a bial chhunga khua leh veng hrang hrang - Hauruang, Sazai­kawn, Vànhnè, Ṭhuampui, Rahsi Veng leh Venghlunte a tlawh a; khawtlang hmasawnna tura hnathawh ṭul hrang hrang a hmunah a enfiah bakah, sorkar official-te leh khawtlang hruaitute a sawipui.

C Lalrinsanga hian nimin zinga Hauruang khuaa K Lalmuanawmi Memorial English School a tlawhnaah thu sawiin, "Sorkar aiin private school-te performance a ṭha zawk zel mai hi ngaihtuahna sên uluk a ṭul hle. Zirtirtu ṭhenkhat chu sorkara kan luh hian awlsam taka bàn theih mai an ni tawh lo tih rilru pú ni àwm tak hian an hna tawh leh an product-ah hian a lang nghal ṭhin," a ti.

Infrastructure develop­ment a pawimawh rualin, mihring inchherna (human resource development) lam a pawimawh hma­sak ber thu C Lalrinsanga chuan a sawi.