MJA, MZP leh MSU hnenah ṭanpuina pe

Mizoram Hindi Prachar Sabha (MHPS) chuan nimin khan Mizoram Journalist Association, Mizo Zirlai Pawl leh Mizo Students Union headquarters-te hnenah ṭanpuina sum an hlân.

Ṭanpuina hlanna inkhawm tâwiah MHPS chairman RB Lalmalsawma chuan, Covid-19 léng avanga mipuiin harsatna an tawh karah mi dang ṭanpui nana luan chhuah ve an duh tih sawiin, ram rawngbawlna kawnga thawk journalist leh zirlai pawlte chu ṭanpuina pek àwma an ngaih avangin an pe tih a sawi.

RB Lalmalsawma chuan, hripui léng donaah Mizorama journalist-te chu an thawh hlâwk hle tih sawiin, "Kawng hrang hrangin mipui rawngbawltu an nih angin, hri laka invên dan inzirtir kawngah te, mipui hriat tur puan chhuah kawngahte an thawh hlâwk hle. Zirlai pawlte hi an theih ang angin ram tan theihtawp an chhuah a ni," a ti.

MJA aiawha thusawitu MLA treasurer C Lalhmachhuana chuan, MHPS hruaitute'n journalist-te dinhmun leh ram tana an thawh vete hriatsak a, ṭanpuina an pe chu lawmawm an tih thu a sawi. MZP leh MSU aiawhte pawhin lawmawm an tih thu an sawi bawk.