COVID-19: Mizoram dinhmun : Hripui vei 236 hmuh belh a ni

June 16, Nilaini khan Mizoramah Covid-19 vei mi 236 hmuh chhuah a ni a, June thla chhungin mi 3,749 hmuh chhuah a ni tawh. Nimin khan hripui vangin mi pathum an thi a, hripui laka fihlim tawh mi 166 chhuahtir an ni thung.

Covid-19 vei hmuh tharte chu mipa 101 leh hmeichhia 135 niin, Aizawla veng 31 leh khaw dang 23-a mite an ni a; ZMC laboratory-a hmuh chhuah mi 27, TrueNAT-PCR hmanga hmuh mi pali leh RAT hmanga hmuh mi 205 an ni.

Mi 236 zingah naupang kum tling lo 50 chuang awmin, a zatve aia tamin symptom an nei a; nausen kum khat tling lo panga telin, an zinga ṭhenkhatin symptom an nei. Kum 60 chung lam mi 25 aia tlem lo awmin, a zatve velin symptom an nei a, a upa ber kum 90 mi pawhin symptom a nei a ni.

Mizoramah Covid-19 vei mi 16,135 hmuh chhuah a ni tawh a, mipa 9,306 leh hmeichhia 6,829 an ni. Nimin tlai dar 5:00 thleng khan mi 12,580 (77.97%) chhuahtir an ni tawh a, mi 75 (0.46%) thi tawhin, enkawl mek mi 3,480 (21.57%) an awm.

June 16, Nilainia swab sample endik dan chu - ZMC laboratory-ah 606, TrueNAT hmangin district pakuaah 92 leh RAT hmangin district 11-ah 2,323 a ni a, a vaiin sample 3,021 (mipa 1,604 leh hmeichhia 1,417) niin, chu'ng aṭanga hripui vei hmuh chhuah 236 chu 7.81% a tling. Positive percentage hi mipaah 6.30 leh hmeichhiaah 9.53 a ni.

Thawhlehnia district-a Covid-19 positive hmuh dan chu - Aizawlah 177, Kolasib-ah 25, Siahaah 12, Lungleiah pakua, Serchhip leh Khawzawlah pathum ve ve, Lawngtlai, Mamit leh Saitualah pahnih ṭheuh leh Hnahthialah pakhat a ni a; Champhai district-ah chiah hripui vei hmuh a ni lo.

IDSP tarlan danin, mi 236-te chu Covid-19 symptom nei 137 leh nei lo 99 an ni a; mi 232 chu Mizorama kái chhâwng niin, tun hnaia state páwn aṭanga lut mi pali an awm. Tualchhunga kái zingah kàina chin hriat loh mi 84 an awm bawk.

ZMC-a hmuh chhuah mi 27-te chu tualchhunga kai 25 leh state pawn aṭanga lut pahnih niin, an zingah ZMC-a healthcare worker pakhat, routine test aṭanga hmuh a tel a; tualchhunga kái zingah kàina hriat loh pathum an awm a, symptom nei pathum an awm.

TrueNAT hmanga hmuh mi palite chu tualchhunga kai pathum leh state pawn aṭanga lut pakhat an ni a, symptom nei an awm lo. Tualchhunga kai zingah kaina hriat loh pakhat a awm. RAT hmanga hmuh mi 205-te chu tualchhunga kái vek niin, kàina hriat loh 81 an awm a, zingah symptom nei 134 an awm a ni.

Nilaini khan Aizawla veng pathumah active case search neih leh niin, mi eng emaw zat swab sample endik a ni a; chuta ṭang chuan Covid-19 positive Dinthar vengah 15, Phunchawngah pasarih leh Venghluiah pathum hmuh chhuah a ni.

Nimin khan tlai dar 5 thlengin hripui laka fihlim tawh mi 166 chhuahtir an ni a; Aizawl district-ah mi 103, Lunglei district-ah 21, Kolasib district-ah 20, Saitual district-ah 11, Siaha district-ah panga, Serchhip district-ah pathum, Lawngtlai district-ah pahnih leh Mamit district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,675 hmuh chhuah a ni tawh a, TrueNAT-PCR hmangin 1,173 leh RAT hmangin 9,286 hmuh chhuah a ni tawh.

June 16, 2021 thlengin Mizoramah swab sample 4,42,020 endik a ni tawh a, chu'ng aṭanga Covid-19 positive hmuh tawh zat 16,135 chu 3.65% a ni. Hripui vei hmuh tawh zinga mi 12,416 chu Mizoram chhunga kái chhâwng niin, mi 3,719 chu Mizoram páwn aṭanga an rawn luh hnua hmuh chhuah an ni a; tualchhunga kái hi 8,697-in an tam zawk a ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 3
Armed Veng 2
Armed Veng South 33
Bawngkawn 6
Bethlehem Veng 9
Bethlehem Vengthlang 2
Central Jail 6
Chaltlang 1
Chanmari 8
Chhinga Veng 5
Dawrpui 2
Dawrpui Vengthar 3
Durtlang (BSF) 1
Dinthar 29
Electric Veng 8
Hunthar Veng 2
Kanan Veng 2
Khatla South 1
Phunchawng 15
Ramhlun North 2
Ramthar Veng 1
Republic Vengthlang 1
Saron Veng 4
Tuikual South 3
Tuithiang Veng 2
Ṭhuampui 5
Ṭhuampui (army) 2
Vaivakawn 1
Venghlui 3
Zarkawt 3
Zemabawk 1
Zonuam 1
Zotlang 1
Sihphir 3

LUNGLEI DISTRICT
Lunglei Chanmari 1
Lunglei College Veng 1
Lunglei Electric Veng 1
Lunglei Pukpui 2
Lunglei Venghlun 6
Tlabung Zawlpui 1

SIAHA DISTRICT
New Siaha West 2
Saikao 7
Siaha Vaihpi-I 3

KOLASIB DISTRICT
Kolasib College Veng 1
Kolasib Saidan 4
Kolasib Salem Veng 2
Bilkhawthlir 1
Bualpui 2
Kawnpui Venglai 1
Lungdai 1
Mualkhang Nazareth 5
Rengtekawn 4
Vairengte 4

SERCHHIP DISTRICT
Chhingchhip 1
Hmunṭha 1
Dawngzawl (BSF) 1

LAWNGTLAI DISTRICT
Lawngtlai College Veng 1
Chawngte 1
(Kamalanagar)

MAMIT DISTRICT
Nagra, Assam 1
(Kanhmun)
Saithah 1

SAITUAL DISTRICT
Mimbung 2

KHAWZAWL DISTRICT
Dulte 3

HNAHTHIAL DISTRICT
Kutkawk (ABCI) 1