Lungleiah pánhnah phun tur sem

Lunglei High Powered Committee (HPC) vice chairman Lawmawma Tochhawng, MLA chuan nimin khan Lungleia Land Resources, Soil & Water Conservation pisaah HPC pilot project 'Low cost polyhouse betelvine cultivation' hnuaia pánhnah chíng tura thlante hnenah pánhnah phun tur leh ṭanpuina sum a sem.

Lawmawma To­chhawng chuan, Lungleiin kum khatah pánhnah cheng nuai 100 chuang man vel an ei ral nia sawiin, "Kan rama thar ve theih tho a nih avangin pilot project kalpui a ni a, hma la hmasatute'n in tih ṭhat chuan kawng ro a su dawn a, in lakah beiseina sang tak kan nei a ni," a ti.

Project hnuaiah hian panhnah chíng tur mi pasarih an awm a, Assamese variety pánhnah an ching dawn a ni. Mi pakhatin 100 zel an dawng a ni.

Upgraded traditional method hmanga pánhnah chíng tur mi pathum thlan a ni bawk a, chu'ng mite hnenah chuan an hmalakna tura pawimawhte vawiinah pek a ni ang.