Lunglei Congress-in hrethiam lo

Lunglei District Youth Congress Committee (LDYCC) chuan thuchhuah siamin, sorkarin hripui laka invenna aia ruang dahna tur a ngai pawimawh zawk chu an hriatthiam loh thu an tarlang a, "Lungleiin kan mamawh ber chu Covid-19 vanga thi an awm loh nana invênna lam tihchak a ni zawk," an ti.

LDYCC chuan, State Bank of India-in hripui dona atana Civil Hospital, Lungleia cheng nuai 100 pek an tum hman dan tur Mizoram sorkarin a ruahman dan chu an duh lo tak zet tih sawiin, "Lunglei leh Mizoram chhim lam mipui hmuhsitna dik takah kan ngai," an ti a; hripui dona atana SBI-in sum a pek hmanga sorkarin Lunglei Civil Hospital-a ruang dahna tur cheng nuai 48.89 sêngin siam a tum chu sum petu pek dan nen thil inmil lo a nih avangin ruahmanna chu siamṭha thuai turin sorkar an phût a ni.