COVID-19: Mizoram dinhmun : Hripui vei 302 hmuh belh a ni

June 17, Ningani khan Mizoramah Covid-19 vei mi 302 hmuh chhuah a ni a, kumin June thla chhungin mi 4,051 hmuh chhuah a ni tawh. Nimin khan tlai dar 5 thlengin hripui vangin mi pakhat a thi a, dam takin mi 138 chhuahtir an ni thung.

Covid-19 vei hmuh tharte chu mipa 152 leh hmeichhia 150 niin, Aizawla veng 39 leh khaw dang 18-a mite an ni a; ZMC laboratory-a hmuh chhuah mi 109, TrueNAT-PCR hmanga hmuh 10 leh RAT hmanga hmuh mi 183 an ni.

Mi 302 zingah naupang kum tling lo 70 vel awmin, a zatve aia tamin symptom an nei a; nausen kum khat tling lo pathum telin, an zinga ṭhenkhatin symptom an nei. Kum 60 chung lam mi 20 chuang awmin, symptom nei an awm nual.

Mizoramah Covid-19 vei mi 16,437 hmuh chhuah a ni tawh a, mipa 9,458 leh hmeichhia 6,979 an ni. Nimin tlai dar 5:00 thleng khan mi 12,768 (77.68%) chhuahtir an ni tawh a, mi 76 (0.46%) thi tawhin, enkawl mek mi 3,593 (21.86%) an awm.

June 17, Ningania swab sample endik dan chu - ZMC laboratory-ah 1,261, TrueNAT hmangin district pasarihah 185 leh RAT hmangin district 10-ah 2,949 a ni a, a vaiin sample 4,395 (mipa 2,633 leh hmeichhia 1,762) niin, chu'ng aṭanga hripui vei hmuh chhuah 302 chu 6.87% a tling. Positive percentage hi mipaah 5.77 leh hmeichhiaah 8.51 a ni.

Thawhlehnia district-a Covid-19 positive hmuh dan chu - Aizawlah 224, Lawngtlaiah 33, Lungleiah 23, Khawzawlah pakua, Kolasib-ah pariat, Mamitah pathum leh Hnahthialah pahnih a ni a; Siaha, Champhai, Serchhip leh Saitual district-ahte hripui vei hmuh a ni lo.

IDSP tarlan danin, mi 302-te chu Covid-19 symptom nei 172 leh nei lo 130 an ni a; mi 293 chu Mizorama kái chhâwng niin, tun hnaia state páwn aṭanga lut mi pakua an awm. Tualchhunga kái zingah kàina chin hriat loh mi 83 an awm bawk.

ZMC-a hmuh chhuah mi 109-te chu tualchhunga kai 105 leh state pawn aṭanga lut pali niin, an zingah SRH-ZMC-a damlo awm sa hmeichhia kum 65 mi pakhat a tel a; symptom nei an awm lo. TrueNAT hmanga hmuh mi 10 zingah symptom nei an awm lo a, tualchhunga kái mi paruk leh state páwn aṭanga tun hnaia rawn lut mi pali an ni. RAT hmanga hmuh mi 183-te chu symptom nei 134 leh nei lo 49 an ni a, tualchhunga kái 182 leh state pawn aṭanga lut mi pakhat an ni. An zingah Central Jail-ah awm mek mi 14 an tel.

Ningani khan Aizawla veng pali leh khaw dang pahnihah active case search tih leh a ni a, chuta ṭang chuan Armed Vengah pali, Armed Veng South-ah pahnih, Dintharah pakhat, Phunchawngah paruk, Sairang Dintharah pathum leh Karluiah pali, an vaiin mi 20 hmuh chhuah a ni.

Nimin khan tlai dar 5 thlengin hripui laka fihlim tawh mi 138 chhuahtir an ni a; Aizawl district-ah mi 100, Lawngtlai district-ah 16, Kolasib district-ah 13, Lunglei district-ah pariat leh Khawzawl district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,784 hmuh chhuah a ni tawh a, TrueNAT-PCR hmangin 1,183 leh RAT hmangin 9,469 hmuh chhuah a ni tawh.

June 17, 2021 thlengin Mizoramah swab sample 4,46,417 endik a ni tawh a, chu'ng aṭanga Covid-19 positive hmuh tawh zat 16,437 chu 3.68% a ni. Hripui vei hmuh tawh zinga mi 12,709 chu Mizoram chhunga kái chhâwng an ni a, mi 3,728 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng 20
Armed Veng South 17
Bawngkawn 14
Bethlehem Veng 1
Bethlehem Vengthlang 3
Central Jail 14
Chaltlang 2
Chaltlang Lily Veng 1
Chanmari West 7
Chhinga Veng 7
Dawrpui 2
Dinthar 25
Durtlang North 1
Edenthar Veng 3
Electric Veng 3
Falkland Veng 2
Kanan Veng 1
Khatla 1
Luangmual 1
Maubawk 4
Mission Vengthlang 1
Muanna Veng 1
Nursery Veng 1
Phunchawng 7
Ramhlun Venglai 2
Ramhlun Vengthar 7
Ramthar Veng 8
Republic Vengthlang 2
Salem Veng 1
Saron Veng 11
Tanhril 5
Tuikual North 6
Tuikual South 4
Tuithiang Veng 2
Ṭhuampui 8
Venghlui 3
Zarkawt 2
Zemabawk 6
Zuangtui 1
Sairang Dinthar 13
Sihphir 2
Seling 1

LUNGLEI DISTRICT
Lunglei Chanmari 6
Lunglei Electric Veng 3
Lunglei Rahsi Veng 1
Bindasora 10
Ṭhualṭhu 2

KOLASIB DISTRICT
Kolasib Project Veng 3
Kolasib Ṭumpui 1
Kolasib Venglai 1
Vairengte 3

LAWNGTLAI DISTRICT
Lawngtlai Vengpui 2
Chawngte 13
(Kamalanagar)
Chawngte-L 8
Chawngte (CRPF camp) 1
Bajeisora 3
Karlui-I 4
Mamte 2

MAMIT DISTRICT
Kanhmun 2
Khawdungsei, Tripura 1
Marpara 1

KHAWZAWL DISTRICT
Dulte 9

HNAHTHIAL DISTRICT
Pangzawl 2