DCHC thar hawng

New Capital Complex-a Mizoram Rural Bank (MRB) Head Office sak zawh hlim, an la luah loh chu sorkarin dedicated covid health centre (DCHC) atan a siam a, nimin khan Covid-19 Medical Operational Team (MOT) chairman Dr ZR Thiamsanga, MLA-in a hawng.

DCHC hawnna a tarlan ṭhenkhat
 DCHC thar hi SRH-ZMC-a hripui vei dinhmun ziaawm deuh tawh, vil zui la ngai site dahna tur a ni a, oxygen leh medical equipment dangte a awm.
 SRH-ZMC-ah ICU telin khum 247 a awm mek a, khum 60 awmna ward pahnih leh pediatric ICU peih ṭêp a ni.
 MRB-a account nei zingah Covid-19 vei an awm chuan an inenkawlna senso rulhna tur Covid loan ruahman a ni a; thlabi hlawh nei tan Rs. 5,00,000 thleng leh thlabi hlawh nei lote tan Rs. 3,00,000 thleng pek theih a ni.
 DCHC thar hi khum 50 awm theihna tura ruahman a ni a, bul ṭan nan khum 10 an dah.
 DCHC thara thawk tur staff nurse 24, ward superintendent pahnih leh NHM nurse paruk tihfel a ni tawh.
 Medical attendant 20 lâk tur zingah 17 lak a ni tawh a, training pek vek tawh an ni.