Mizoramah ICSE leh ISC exam

Mizoram state páwna zirlai, ICSE leh ISC exam hmabak, Covid-19 hripui léng vanga Mizorama hawte tan exam an hmachhawn turah Mizorama exam centre siam tura ngenna an hmuh angin Council of the School Certificate Examinations (CISCE) chuan July 1-14, 2020 chhunga Mizorama exam turin a phalsak.

Sorkar thuchhuah tarlan danin, CISCE chuan, zirlaite'n paper ṭhenkhat exam hmabak an la neih chungchangah Mizoram sorkarin a thlawpna leh a thawhpuinaah an lawmthu an tarlang a; exam buaipuitu tur official-te hming leh biakpawh theihnate pawh kimchang taka thawn turin an rawn ngen a ni.

ICSE leh ISC board exam chungchangah hian Le­gis­lative Assembly-a oppo­sition group leader Lal­duh­oma chuan Ai­zawla exam centre dah turin CISCE-ah ngenna a lo thlen ve bawk.