Kolkata-ah Mizo pastor thi

Rev. Vanlalngeiha (35) s/o Sangthankungi, Mission Veng, Covid-19 vei vanga thla khat chuang Kolkata-a enkawl tawh chu nimin chhun dar 11:10 khan Medica Superspeciality Hospital-ah a thi.

Vanlalngeiha hi Mizoram Presbyterian Kohhran hnuaia Jharkhand Mission Field-a thawk a ni a, hripui a vei avangin Kolkata-ah enkawl a ni. Kolkata aṭanga thu dawn danin, Covid-19 positive vanga damlo a nih rualin, a thih lai hian a negative tawh a; ruang pawh vawiin hian thlawhtheihnain Mizoram panpui theih beisei a ni.