KHAWTHLIR

Thisen pe
Muallungthu Branch YMA chuan YMA Day pualin June 19, Inrinni khan an YMA Hall-ah thisen pek an huaihawt a, ZMC Blood Bank tan thisen unit 73 an pe a, petute mipa 55 leh hmeichhia 18 an ni.

UPC tawngtai rual
UPC NEI General Administrative Committee rorel angin, North East India huam chhunga UPC kohhran member-te chuan nizan dar 7 khan Covid-19 léng mek pualin ṭawngṭai rualna hun an hmang a; thupui ruahman sa hrang hrang hmangin Pathian vênna leh hruaina dilin an ṭawngṭai a ni.

Tanpuina hlan
St. Paul's 1993-1995 batch chuan June 19, Inrinni khan Covid care centre hrang hrangah an pawisa thawhkhawm aṭanga an lei PPE, oximeter leh thermometer eng emaw zat an hlàn.

Ráltlânte tanpui
Mizo Students' Union leh Myanmar Refugee Relief Committee (MRRC)-te chuan tun hnai khan Myanmar aṭanga Mizorama Zo hnahthlak ráltlân harsatna tâwkte hnenah chhawmdawlna thilpek ṭhahnem tak an pe. MSU leh MRRC-te hian Tuipuiral tlangdunga khaw hrang hranga ráltlan awmte ṭanpuina turin Tuipuiral Group YMA hnenah silpauline bandle 10, dailuah ip 5, neutrela kg. 80 an hlân a ni.

ZEP leh CRS-ten Raltlan ṭanpui
Zoram Entu Pawl (ZEP) chuan Catholic Relief Services (CRS) nen ṭangkawpin June 16-18, 2021 chhung khan Myanmar ráltlânte tan Champhaiah Covid-19 Relief Work an nei a, ei tur leh mamawh dangte a thlàwnin an sem.ZEP leh CRS chuan ni thum chhungin Myanmar ráltlân chhungkaw 150 tan Champhai district-a hmun paliah Covid-19 Relief Work hun an hmang a; RAT tihna senso atan sumfai bakah, ei leh in tur chi hrang hrang an pe a, Covid-19 chungchanga nunphung dik an zirtir nghal bawk.