Eng pawh thleng se hmachhawn turin kan inring tâwk - Health Secretary

Health Minister-in nimina Secretariat con­ference hall-a thuthar theh­darhtute a kawmnaa ṭawi­awmtu Health secre­tary H Lalengmawia chuan, eng pawh thleng se hma­chhawn turin Health department an inrin tâwk thu a sawi.

Health Secretary chuan, Covid-19 atan hmun­hma leh hmanruate theihtawp chhuaha an buatsaih thu sawiin, "Eng pawh thleng se hmachhawn turin kan inbuatsaih a, Health department lam chu kan inring tâwk a ni," a ti.

Zoram Medical College (ZMC) bakah, hmun hrang hrangah Covid-19 vei enkawlna tur hmun ruahman a nih thu sawiin H Lalengmawia chuan, "Ventilator hman theih 36 a awm a, rapid antibody test (RAT) tihna tur 2,000 kan la nei. RAT tihna tur kan neih hi a tâwkah kan ngai," a ti a; kháwl tam zawk an la neih theih ngei an inbeisei thu a sawi.

Health Secretary-in World Health Orga­nisation (WHO) chhût dan a sawi danin, khaw­vela Covid-19 vei zinga 80% vel chu an kai tih pawh inhre lo an ni a, 15% vel chu insawiselna nei ve, enkawl ve deuh ngai niin, 5% vel chu ICU-a ventilator hmanga enkawl ngai an ni.