RT-PCR khawl bun a nih theih nan Lungleiah ṭawngṭai rual huaihawt a ni

RT-PCR Lab. for Chhimbial chuan Mizoramah Covid-19 léng a reh theih nan leh Lungleiah RT-PCR khawl bun a nih thuai theih nan nimin khan ṭawngṭai rual an buatsaih.

RT-PCR Lab. for Chhimbial tarlan danin, ṭawngṭai rualna hun hi Zoom meet hmangin zan dar 8:30-ah buatsaih a ni a, Rev. Israel Lalremtluanga'n a kaihruai. Hripui vanga an tawrhna a reh theih nan te, ram hruaitute'n hripui léng karah fing tak leh dik taka ram an hruai zel theih nan te, chhim bialah RT-PCR laboratory an neih thuai theih nante an ṭawngṭai a ni.

Mipui hmakhua ngaiin Gauhati High Court-ah chhim bialah RT-PCR lab. siam a nih thuai theih nan PIL an thehlut tih sawiin RT-PCR Lab for Chhimbial chuan, "Court-in a ngaihtuah mek a ni. Chhim bial tana RT-PCR lab. din thuai a nih theihna atana kan hmalaknaah mipui kan inlungrualin kan ṭangrual hle a, kan lama ṭang Pathian hi inlungrual taka au leh turin kan insawm a ni," an ti.