June 19-ah Rajya Sabha inthlan buatsaih a ni dawn

Election Commission of India (ECI) chuan thuchhuah siamin, Mizoram Rajya Sabha member Ronald Sapa Tlau chu July 18, 2020-ah a chawlh (retire) dawn thu leh June 19-ah Rajya Sabha MP thlan a nih dawn thu a puang.

ECI chuan, Disaster Management Act hnuaia National Executive Committee (NEC)-in May 30, 2020-a in­kaih­hruaina a chhuah tlawhchhanin June 19, 2020-ah Rajya Sabha MP inthlan (biennial election) neih a nih tur thu a puang a; July 18 hi Ronald Sapa Tlau, Rajya Sabha MP a nih hun chhung a tàwp hun tur a ni.

Rajya Sabha inthlan atan hian June 9, 2020 thleng hming pek theih a ni a, nomination-te chu June 10-ah endik niin, June 12, 2020 thleng inhnuhdawhna hun hawn a ni ang. MP thlanna hi June 19, 2020 zing dar 9 - tlai dar 4 thleng neih a ni ang a, tlai dar 5-ah vote chhiar tura ruahman a ni.