Bill pe thei lote remchang siamsak

Public Health Engi­neering (PHE) depart­ment chuan, Aizawla tui connection tihtawp lailâwk leh online-a tui bill pe thei lote tana thuchhuah an lo siam tawh chu an sawifiah a; dan anga thla thum chhung tui bill pe remchang thei lote connection titàwp (disconnect) rih lo turin hma an lak mek thu a tarlang.

PHE department chuan, Covid-19 léng karah hun pangngai angin tui bill pekna counter hawn a remchang lo tih a tarlang a, "Tui bill pek a khaihlak a rem si loh avangin online hmanga tui bill pek dan pawh tui hmangtu (consumer)-te hriatthiam awl turin inzirtirna neih mek a ni. Heti chung hian hripui lèn hmaa tui bill thla thum chhung pe remchang thei lo leh thil dang vanga tui connection tihtàwp lailâwk eng emaw zat a awm," an ti.

Tui connection tihtawp a awm a nih pawhin, tihthar (re-connection) hun chu a remchang ang zela ruahman a nih dawn thu tarlangin PHE chuan, "Online hmanga tui bill pek hi internet chak lo leh thil dang vanga pe thei lote tan pawh sorkar SOP zâwm chungin a ṭul ang zelin pekna hun remchang siam tur a ni ang," an ti a; hripui lèn zual chhungin bill pek hun ruat bik chhunga pe thei lo tan remchang dang ruahman zel a nih dawn thu an tarlang.

PHE department chuan, "Inkharkhipna kal­pui chhung hian Mizo­ram sorkar chuan mipuite tui nghei a phal dawn lo a, dan anga thla thum chhung tui bill pe remchang thei lo pawh ni se, an connection titawp rih lo turin hma a la mek a ni," an ti.