COVID-19: Mizoram dinhmun : Hripui vei hmuh chhuah tam ber ní a thleng leh
June 20, Pathianni khan Mizoramah Covid-19 vei mi 662 hmuh chhuah a ni a, hripui vei hmuh tam ber ní a ni. Nimin khan Covid-19 laka fihlîm tawh mi 185 chhuahtir an ni a, hripui vangin mi pahnih an thi thung.
Covid-19 vei hmuh tharte chu Aizawla veng 32 leh khaw dang pakuaa mite an ni a; TrueNAT-PCR hmanga hmuh chhuah panga leh RAT hmanga hmuh chhuah 657 an ni. ZMC laboratory-ah swab sample endik a ni lo.
Tun June thla chhungin hripui vei mi 5,220 hmuh chhuah a ni tawh a, chawhrualin ni tin mi 261 hmuh chhuah an awm ziah ang a ni. Nimin zinga sorkarin Covid-19 positive result a tihchhuah hnuah enkawl lai mi 4,131 an awm a, hripui vei enkawl mek tam lai ber a ni bawk.
Mizoramah Covid-19 vei mi 17,605 hmuh chhuah a ni tawh a, mipa 9,722 leh hmeichhia 7,221 an ni. Nimin tlai dar 5:00 thleng khan mi 13,575 (77.11%) chhuahtir an ni tawh a, mi 84 (0.48%) thi tawhin, enkawl mek mi 3,946 (22.41%) an awm.
June 20, Pathiannia swab sample endik dan chu - TrueNAT-PCR hmangin district pangaah 23 leh RAT hmangin district pakuaah 1,854 a ni a, a vaiin sample 1,877 niin, chu'ng aṭanga hripui vei hmuh chhuah 662 chu 35.26% a tling.
Pathiannia district-a Covid-19 positive hmuh dan chu - Aizawl district-ah 639, Kolasib district-ah 11, Siaha district-ah paruk, Hnahthial district-ah pali leh, Lunglei leh Champhai district-ah pakhat ve ve a ni. Mi 662-te zinga 528 chu TNT, Muanna Venga mite an ni a, mi dang 134 chu hmun danga hmuh chhuahte an ni. TNT-ah hmuh chhuah an tam avangin symptom nei zat leh nei lo zat tarlan a la ni lo. Mi 662 zinga mi 658 chu Mizorama kái chhâwng niin, tun hnaia state páwn aṭanga lut mi pali an awm. Tualchhunga kái, TNT-a mite tih loh mi 134 zingah kàina chin hriat loh mi 69 an awm bawk.
TNT, Muanna Venga mite ni lo, mi dang 134 zingah naupang kum tling lo 36 telin, an zinga a tam ber chu symptom nei an ni a; nausen kum khat tling lo pathum telin, pahnihin symptom an nei. Kum 60 chung lam 17 an awm a, a tam zawkin symptom an nei a, kum 80 chung lam mi pathumte'n symptom an nei vek a ni.
TNT-a awm hripui veite dinhmun kimchang hriat ni lo mah se, sorkar thuchhuakah kum 2-80 inkar tih a ni a, naupang enkawlna hmun a nih tel avangin naupang leh kum 60 chung lam eng emaw zat awm tura ngaih a ni. TrueNAT-PCR hmanga hmuh chhuah mi pangate chu tualchhunga kai leh state páwn aṭanga tun hnaia lut pali an ni a; RAT hmanga hmuh mi 657-te chu tualchhunga kai vek niin, TNT ni lo, hmun danga hmuh chhuah mi 111 zingah kaina hriat loh 68 an awm.
Nimin khan tlai dar 5 thlengin hripui laka fihlim tawh mi 185 chhuahtir an ni a; Aizawl district-ah mi 84, Lunglei district-ah 39 , Kolasib district-ah 21, Siaha district-ah 19, Champhai district-ah 15, Lawngtlai district-ah pali, Saitual district-ah pahnih leh Mamit district-ah pakhat an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 5,976 hmuh chhuah a ni tawh a, TrueNAT-PCR hmangin 1,199 leh RAT hmangin 10,429 hmuh chhuah a ni tawh.
June 20, 2021 thlengin Mizoramah swab sample 4,53,871 endik a ni tawh a, chu'ng aṭanga Covid-19 positive hmuh tawh zat 17,605 chu 3.88% a ni. Hripui vei hmuh tawh zinga mi 13,844 chu Mizoram chhunga kái chhâwng an ni a, mi 3,761 chu Mizoram páwn aṭanga an rawn luh hnua hmuh chhuah an ni.
COVID-19 VEI HMUH THARTE
Khua/Veng A zat
AIZAWL DISTRICT
Armed Veng 2
Armed Veng South 5
Bawngkawn 4
Bethlehem Veng 3
Bethlehem Vengthlang 5
Bungkawn 1
Chaltlang 2
Chaltlang Lily Veng 3
Chanmari 1
Chhinga Veng 1
College Veng 1
Dawrpui 5
Dawrpui Vengthar 1
Dinthar 2
Edenthar Veng 4
Electric Veng 6
Falkland Veng 4
Kanan Veng 1
Khatla 2
Muanna Veng (TNT) 528
Phunchawng 1
Ramhlun North 4
Rangvamual 4
Republic Vengthlang 8
Saron Veng 9
Tuikhuahtlang 1
Tuikual South 5
Tuithiang Veng 4
Tuivamit 2
Ṭhuampui 4
Vaivakawn 1
Zotlang 3
Sairang Dinthar 5
Sihphir 5
LUNGLEI DISTRICT
Lunglei Venglai 1
SIAHA DISTRICT
Saikao 6
CHAMPHAI DISTRICT
Champhai Vengsang 1
KOLASIB DISTRICT
Bairabi 7
Vairengte 4
Kolasib 2
HNAHTHIAL DISTRICT
Hnahthial 4