CM-in TNT tan CMRF aṭangin cheng nuai 3 a pe - MNF
MNF chuan thuchhuah siamin, chief minister Zoramthanga'n a bial chhunga Thutak Nunpuitu Team (TNT), Muanna Venga Covid-19 vei hmuh chhuah tharte tan nimin khan Chief Minister's Relief Fund for Covid-19 aṭangin Rs. 3,00,000 leh TNT-a swab test buaipuitu medical team-te ei leh in senso atan Pathianni khan Rs. 30,000 a pe niin an tarlang.
MNF tarlan danin, CM Relief Fund aṭanga Rs. 3,00,000 pek hi additional PS to CM Lalfamkima'n TNT director H Vanlaldika hnenah a hlan a ni.
MNF thuchhuah chuan, June 20, Pathiannia TNT, Muanna Venga RAT hmanga swab sample endik rûnpui tih zawhah Chief Minister, Health Minister leh Covid-19 Medical Operational Team Chairman-te ruahmannain TNT tan Covid care centre buaipui dan tur ngaihtuah nghal a ni tih a tarlang a; "Nizan (Pathianni zan) vêk khan Covid-19 MOT kaihhruaina hnuaiah a bika TNT vil tur ruat nghal niin, TNT chu CCCC atan puan nghal a ni," a ti.