Quarantine facilities atan Rajiv Gandhi Stadium

Mualpuia Rajiv Gandhi Stadium chu Aizawl district-a ruih theih thila buai, hawna tur mumal nei lo vâk rawlaite dahna tur bik Special Cases Quarantine Facility (SCQF) atan ruahman a nih thu nimin khan Aizawl DC Dr Lalhriatzuali Ralte-in a puang a; inkaihhruaina a tarlang nghal.

Aizawl Bawrhsap chuan, SCQF-a awm laia Covid-19 natna lang chhuakte chu ni 10 nghâk kher loin a rang thei ang bera swab sample endik tur a nih thu te, endiknaah hripui laka an fihlim chuan khung hran chhunzawm a ngaih tawh loh thu te, an chhuah hnuah an awmna vengte kaihhruainain hna ṭangkai an thawh theih àwm tâwk thawhtir (rehabilitation atan) a ṭhat thu leh, khung hran ṭan aṭanga ni 10 hnuah RT-PCR/TrueNat hmanga sample endik leh tur a ni a, result a chhuah hma chuan uluk taka inkhung hran rih tur a nih thute a tarlang.