AR-in ralthuam an man

Serchhipa hmunpui nei Assam Rifles chuan June 21, Thawhṭanni khan Farkawn panna kawngpuiah puak thei (ralthuam) eng emaw zat leh a neitua puh mi pahnih an man a; Durtlang Police Station-ah an hlàn.

Assam Rifles-in an mante chu special detonator 3,000, electric detonator 925, safety fuse metre 2,000, puak thei (explosive substance) fûn 630 (quintal 13) a ni a; thu an dawn anga Farkawn kawnga an lo chànnaah an man a ni.