COVID-19: Mizoram dinhmun : Hripui vei 374 hmuh belh a ni

June 21, Thawhṭanni khan Mizoramah Covid-19 vei mi 374 hmuh chhuah a ni a, June thla chhungin mi 5,594 hmuh chhuah a ni tawh. Nimin khan hripui laka fihlim tawh mi 103 chhuahtir an ni a, mi pakhat a thi thung.

Covid-19 vei hmuh tharte chu mipa leh hmeichhia 187 ve ve niin, Aizawla veng 39 leh khaw dang 27-a mite an ni a; ZMC laboratory-a hmuh chhuah 109, TrueNAT hmanga hmuh pasarih leh RAT hmanga hmuh chhuah 258 an ni.

Tun June thla chhung­in hripui vei mi 5,594 hmuh chhuah a ni tawh a, chawhrualin ni tin mi 266 chuang hret (266.38) hmuh chhuah an awm ziah ang a ni. Nimin zinga sorkarin Covid-19 positive result a tihchhuah hnuah enkawl lai mi 4,227 an awm a, hripui vei enkawl mek tam lai ber a ni leh bawk.

Mizoramah Covid-19 vei mi 17,979 hmuh chhuah a ni tawh a; nimin tlai dar 5:00 thleng khan mi 13,770 (76.59%) chhuahtir an ni tawh a, mi 85 (0.47%) thi tawhin, enkawl mek mi 4,124 (22.94%) an awm.

June 21, Thawhṭannia swab sample endik dan chu - ZMC laboratory-ah 1,322, TrueNAT-PCR hmangin district pakuaah 142 leh RAT hmangin district 11-ah 3,035 a ni a, a vaiin sample 4,499 (mipa 2,405 leh hmeichhia 2,094) niin, chu'ng aṭanga hripui vei hmuh chhuah 374 chu 8.31% a tling.

Thawhṭannia district-a Covid-19 positive hmuh dan chu - Aizawlah mi 226, Lawngtlaiah 54, Kolasib-ah 51, Lungleiah 16, Serchhipah 11, Siahaah pasarih, Mamitah panga leh, Saitual leh Hnahthialah mi pahnih ve ve a ni.

Hripui vei hmuh chhuah mi 374-te chu natna (symptom) nei 159 leh lang lo 215 an ni a; tualchhunga kái 368 leh state pawn aṭanga tun hnaia lut mi paruk awmin, tualchhunga kái zingah kàina chin hriat loh mi 121 an awm.

Mi 374 zingah naupang kum tling lo 120 vel an tel a, a zatve velin symptom an nei. Nausen kum khat tling lo pali telin, an zingah symptom neite pawh an awm. Kum 60 chung lam 20 chuang awmin, a zatve velin symptom an nei a, a upa ber chu kum 80 mi a ni.

ZMC-a hmuh chhuah mi 109-te chu tualchhunga kái 106 leh state páwn aṭanga lut pathum an ni a, symptom nei mi pariat an awm. TrueNAT hmanga hmuh pasarihte chu tualchhunga kai paruk leh state pawn aṭanga lut pakhat an ni a, symptom nei an awm lo.

RAT hmanga hmuh chhuah mi 258-te chu symptom nei 151 leh nei lo 107 an ni a; tualchhunga kái 255 leh state pawn aṭanga lut mi pahnih niin, tualchhunga kai zingah kaina chin hriat loh 121 an awm. Aizawla veng pangaa active case search tih aṭangin hripui vei mi 28 hmuh chhuah a ni a; Bethlehem Veng leh Phunchawng pariat ve ve, Dintharah pasarih, Bawngkawnah pali leh Armed Vengah pakhat hmuh chhuah a ni.

Nimin khan tlai dar 5 thlengin hripui laka fihlim tawh mi 103 chhuahtir an ni a; Aizawl district-ah mi 42, Lawngtlai district-ah 43, Lunglei leh Kolasib district-ah pariat ve ve leh, Champhai leh Hnahthial district-ah pakhat ve ve a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,085 hmuh chhuah a ni tawh a, TrueNAT-PCR hmangin 1,206 leh RAT hmangin 10,687 hmuh chhuah a ni tawh.

June 21, 2021 thlengin Mizoramah swab sample 4,58,370 endik a ni tawh a, chu'ng aṭanga Covid-19 positive hmuh tawh zat 17,979 chu 3.92% a ni. Hripui vei hmuh tawh zinga mi 14,212 chu Mizoram chhunga kái chhâwng an ni a, mi 3,767 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 11
Armed Veng 1
Armed Veng South 11
Bawngkawn 4
Bawngkawn South 1
Bethlehem Veng 29
Bethlehem Vengthlang 6
Bungkawn Vengthar 2
Chaltlang Lily Veng 1
Chanmari 5
Chanmari West 11
Chawnpui 1
Chawlhhmun 3
College Veng 3
Dinthar 18
Dawrpui 3
Dawrpui Vengthar 2
Durtlang 1
Electric Veng 3
Falkland Veng 2
Hunthar Veng 9
Khatla 2
Phunchawng 10
Ramhlun North 6
Ramhlun Sports 1
Complex
Ramhlun Vengthar 3
Ramthar Veng 2
Rangvamual 1
Republic Veng 5
Salem Veng 2
Saron Veng 31
Selesih 1
Tuikhuahtlang 3
Tuikual North 4
Tuikual South 1
Tuithiang Veng 5
Ṭhuampui 4
Ṭhuampui (Indian army) 1
Zarkawt 6
Zotlang 1
Tuirial (Shivalaya Cons.) 14
Sairang 2
Falkawn 1
Hualngohmun 1

LUNGLEI DISTRICT
Lunglei Bazar Veng 2
Lunglei College Veng 2
Lunglei Electric Veng 2
Lunglei Venglai 1
Hrangchalkawn (ABCI) 1
Tuichawng 4
Diblibagh 1
Nunsury-I 3

SIAHA DISTRICT
Saikao (Serkawr) 7

KOLASIB DISTRICT
Kolasib Diakkawn 1
Kolasib Gosen Veng 3
Kolasib Khuangpuilam 2
Kolasib Saidan 3
Kolasib Tuiṭha Veng 4
Kolasib Ṭumpui 1
Kolasib Venglai 1
Kolasib Venglai East 4
Rengtekawn 3
Bairabi 1
Kawnpui 2
Lungdai 4
Meidum 2
Vairengte 20

SERCHHIP DISTRICT
Dawngzawl (BSF) 1
Serchhip Darnam Veng 7
Serchhip Mat 3

LAWNGTLAI DISTRICT
Chawngte 19
(Kamalanagar)
Chawngte-L 12
Karlui-I 21
Karlui 1
Lawngtlai Vengpui 1

MAMIT DISTRICT
Hnahva 1
Marpara 3
Rajbari (Kanhmun) 1
Rangamati (Kanhmun) 1

SAITUAL DISTRICT
Mimbung 2

HNAHTHIAL DISTRICT
Kutkawk (ABCI camp) 2