Thenzawl CCC-a awmte an dam kim

Covid care centre (CCC) atana hman Integrated Ayush Hospital, Thenzawla awmte chu an dam kim tawh a, nimin khan an chhuak vek a, CCC-ah awm an awm tawh rih lo.

Thenzawlah hian Covid-19 léng thawh hnihna hnuah May 21, 2021 khan Thenzawlah hripui vei hmuh chhuah a ni a, chumi hnuah hmuh belh zel a ni. Hripui vei hmuh chhuah hnuhnung ber chu June 12 khan niin, hmuh zawng zawng chu mi 44 an ni a, an vaiin Ayush Hospital-ah enkawl an ni.

Mi 44 zingah hian mi pathum chu SRH-ZMC-ah sawn an ni a, anni pawh enkawl dam an ni tawh. CCC chhuahsan hnuhnung pathumte'n hripui an vei tawh lo tih finfiah an nih hnuah nimin khan chhuahtir an ni.

Ayush Hospital CCC-a awmte ei leh in tur leh mamawh tur chi hrang hrangte chu mi inphalte'n an thawh khawm ṭhin a ni.