Legislative meeting-ah Dy Speaker

Lok Sabha speaker Om Birla kaihhruaiin India rama dan siamtu, legislative body hrang hrangte chu June 22, Thawhlehni tlai dar 3 khan video conference kaltlangin an ṭhukhawm a, Mizoram aṭangin Assembly deputy speaker Lalrinawma a tel.

Om Birla chuan, kum hnih kal ta chhunga Parlia­ment-in hna a thawh hrang hrangte a sawi a, "Covid-19 hripui léng karah Covid nunhung dik zawm chungin Parlia­ment-in ram tan a thawh tur hrang hrang khaihlak awm loin a thawk a, hun hmasa lam aiin hnathawh a tam zawk a ni," a ti.

Lalrinawma pawhin thu sawiin, kum hnih kal ta chhunga Mizoram Legislative Assembly-in hna a thawhte a sawi a, "Covid-19 léngin eng emaw chenah harsatna siam bawk mah se, Assem­bly hna erawh tluang taka kalpui zel a ni," a ti a; Covid-19 donaa sorkar, kohhran, tlawmngai páwl leh mipui thawhhona a ṭhat thu leh a chhuanawm thu a sawi.

Ṭhutkhawma Mizo­ram sorkar aiawhte hi Assem­bly Secretariat commi­ttee room aṭangin an tel a, Deputy Speaker hi Legislative Assembly-a officer-te'n an ṭawiawm a ni.