COVID-19: Mizoram dinhmun : Hripui vei 419 hmuh belh a ni

June 22, Thawhlehni khan Mizoramah Covid-19 vei mi 419 hmuh chhuah a ni a, chu'ng zinga 104 chu Central Jail-a mite an ni. Nimin khan hripui laka fihlim tawh mi 110 chhuahtir an ni a, mi pakhat a thi thung.

Covid-19 vei hmuh tharte chu mipa 278 leh hmeichhia 152 niin, Aizawla veng 29 leh khua/hmun dang 24-a mite an ni a; ZMC laboratory-a hmuh chhuah 59, TrueNAT-PCR hmanga hmuh 13 leh RAT hmanga hmuh chhuah 358 an ni.

June 2021-ah ni 22 chhungin hripui vei mi 6,013 hmuh chhuah a ni tawh a, chawhrualin Covid-19 positive hmuh chhuah ni tin mi 273 chuang hret (273.32) an awm ang a ni. Nimin zinga sorkarin Covid-19 positive result a tihchhuah hnuah enkawl lai mi 4,412 an awm a, hripui vei enkawl mek tam lai ber a ni leh bawk.

Mizoramah Covid-19 vei mi 18,398 hmuh chhuah a ni tawh a; nimin tlai dar 5:00 thleng khan mi 14,010 (76.59%) chhuahtir an ni tawh a, mi 86 (0.47%) thi tawhin, enkawl mek mi 4,302 (22.94%) an awm.

June 22, Thawhlehnia swab sample endik dan chu - ZMC laboratory-ah 1,217, TrueNAT-PCR hmangin district 10-ah 291 leh RAT hmangin district 11-ah 2,466 a ni a, a vaiin sample 3,974 (mipa 2,310 leh hmeichhia 1,664) niin, chu'ng aṭanga hripui vei hmuh chhuah 419 chu 10.54% a tling.

Thawhlehnia district-a Covid-19 positive hmuh dan chu - Aizawlah mi 300, Lawngtlaiah 52, Kolasib-ah 30, Lungleiah 16, Siahaah 15, Mamit leh Hnahthialah pahnih ve ve leh Champhai leh Serchhipah pakhat ve ve a ni.

Hripui vei hmuh chhuah mi 419-te chu natna (symptom) nei 238 leh lang lo 181 an ni a; tualchhunga kái 415 leh state páwn aṭanga tun hnaia lut mi palai awmin, tualchhunga kái zingah kàina chin hriat loh mi 109 an awm.

Mi 419 zingah naupang kum tling lo mi 80 vel awmin, a zatve velin symptom an nei a, nausen kum khat tling lo pahnih an tel. Kum 60 chung lam 30 vel awmin, a zatve velin symptom an nei a, a upa ber chu kum 88 mi a ni.

ZMC laboratory-a hmuh chhuah mi 59-te chu tualchhunga kái 58 leh state páwn aṭanga lut pakhat an ni a, symptom nei 20 an awm. TrueNAT hmanga hmuh mi 13-te chu tualchhunga kai 11 leh state páwn aṭanga lut pahnih an ni a, symptom nei leh tualchhunga kai zingah kàina hriat loh pakhat an awm. RAT hmanga hmuh mi 347-te chu tualchhunga kai 346 leh state pawn aṭanga lut pakhat an ni a, tualchhunga kai zinga 108 chu an kàina chin hriat a ni lo.

Nimin khan tlai dar 5 thlengin hripui laka fihlim tawh mi 110 chhuahtir an ni a; Aizawl district-ah mi 79, Lunglei leh Lawngtlai district-ah pakua ve ve, Kolasib district-ah pariat leh Mamit district-ah mi panga an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,144 hmuh chhuah a ni tawh a, TrueNAT-PCR hmangin 1,219 leh RAT hmangin 11,034 hmuh chhuah a ni tawh.

June 22, 2021 thlengin Mizoramah swab sample 4,62,344 endik a ni tawh a, chu'ng aṭanga Covid-19 positive hmuh tawh zat 18,398 chu 3.98% a ni. Hripui vei hmuh tawh zinga mi 14,627 chu Mizoram chhunga kái chhâwng an ni a, mi 3,771 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng 13
Armed Veng South 11
Bawngkawn 3
Bethlehem Veng 1
Bethlehem VT 9
Central Jail 105
Chanmari 12
Chanmari West 1
Chawnpui 3
Chhinga Veng 11
Dawrpui 7
Dinthar 10
Electric Veng 9
Khatla 10
Mission Veng 1
Muanna Veng (TNT) 16
Ramhlun North 1
Ramhlun South 2
Ramhlun Venglai 1
Ramthar Veng 4
Ramthar North 1
Saron Veng 13
Tanhril 13
Tuikhuahtlang 2
Ṭhuampui 11
Ṭhuampui (Indian army) 5
Zarkawt 3
Zotlang 2
Zuangtui 6
Sairang 3
Sairang Dinthar 4
Tuirial Airfield 4
Tuirial (BSF) 1

LUNGLEI DISTRICT
Lunglei Chanmari 2
Lunglei Electric Veng 3
Lunglei Luangmual 1
Lunglei Venghlun 1
Lunglei Venglai 1
Thenzawl (ABCI camp) 1
Tuichawng 7

SIAHA DISTRICT
Meisavaih West 1
Saikao (Serkawr) 14

CHAMPHAI DISTRICT
Champhai Bethel Veng 1

KOLASIB DISTRICT
Kolasib College Veng 2
Kolasib Diakkawn 4
Kolasib Electric Veng 1
Kolasib Hmarveng 6
Kolasib Project Veng 1
Kolasib Venglai 1
Kolasib Venglai East 6
Rengtekawn 1
Bairabi 1
Vairengte 7

SERCHHIP DISTRICT
Keiṭum 1

LAWNGTLAI DISTRICT
Chawngte-L 2
Chawngte 2
(Kamalanagar)
Karlui 45
Lawngtlai Bazar Veng 1
Lawngtlai Bethel Veng 1
Saikah 1

MAMIT DISTRICT
Mamit Venghlun 1
Karimganj (Kanhmun) 1

HNAHTHIAL DISTRICT
Kutkawk (ABCI camp) 1
Maudarh (ABCI camp) 1