DC-in Kawlkulh leh Dulte NGO kâwm

Khawlzawl DC Zothanmawia chuan nimin khan Kawlkulh leh Dulte khua a tlawh a, National Highway no. 6 laih dan tur duh lohna an lantir chungchangah khaw pahniha NGO Coordination Committee hruaitute a kâwm.

Kawlkulh leh Dulte Joint NGO hian June 21, 2021 khan Dulte-Kawlkulh by-pass kawng lai tur Dhariwal BuildTech Limited (DBL) hnathawkte leh an kháwlte chu kaltlang phal loin an dang a ni.

Khawzawl DC chuan, DBL mi leh sa hna thawk tur leh an khawlte lo dan chu dan bawhchhiatna a nih thu a hrilh a; dan kalha hmalakna chuan mimal leh páwl chungah nghawng pawi tak a neih theih dante a hrilhfiah a ni.

Inremna pathum siam a ni a, chungte chu - Puilo leh Dulte inkar kawng laih hna hi tun dinhmunah chuan ṭan rih loh tur tih te, Tuichang leh Puilo inkarah chuan a ṭul angin kawng laih hna thawh chhunzawm a ni ang tih leh, hemi hun chhung hian kawng laih nana mamawh bungrua/khawl leh hnathawktu lo lutte chu harsatna awm loin an kaltlang ang, tihte a ni.