Haw tharte hruai dan tur hriattir

Lunglei DC V Lalsangliana chuan nimin khan home quarantine leh community quarantine centre (CQC)-a awm turte screening neihna hmun aṭanga hruai dan turah thuchhuah a siam.

DC thuchhuah tarlan danin, home quarantine leh CQC-a awm tura phalsak/qualify-te hruaina turin lirthei ke pali nei hman tur a ni a, two wheeler emaw, three wheeler emaw hman phal a ni lo.

State páwn aṭanga hawte'n anmahni bungrua ṭheuh an khawih ang a, mi dangin khawihpui tur a ni lo. Inhruaina lirtheiah driver seat bul (front seat)-ah quarantine tur chu a chuang tur a ni lo a, driver leh a mi phurh (quarantine tur) inkarah dáidanna ṭha tak siam tur a ni.