CCC-ah ei man pek a ngai tawh

Health & Family Welfare secretary R Lalramnghaka chuan, Covid care centre (CCC)-a ei leh in man chu below poverty line (BPL) chhungaa mi ni lote tan mahnia intum (a man pek) a ngaih tawh tur thu a puang. Hemi chungchangah hian June 23, Nilaini khan hriattirna a chhuah a ni.

HFW Secretary chuan, CCC-a awm, BPL chhungkuate chu chaw ei man àwltir an nih dawn thu tarlangin, "BPL chhungkua ni lote chuan mahni chaw ei man pek tawh tur a ni. Chhungkaw khawsak dinhmun harsate chuan officer-in-charge kaltlangin bialtu Chief Medical Officer hnenah ei man cháwi lo turin dilna an siam thei ang. CMO-te'n uluk taka ngaihtuahin chaw ei man chawi lo turin emaw, a ṭhen a zár chauh cháwi turin emaw ruahmanna an siam thei ang," a ti.

CCC-a awmte tana ei leh in man chungchanga sorkar thuchhuak hi thu dang a awm hma chuan hman tur a ni.