Central Jail leh District Jail enfiah

Aizawl additional DC R Vanrengpuia, incident commander leh Aizawl East leh Aizawl West chief medical officer aiawhte chuan nimin khan Central Jail leh District Jail an tlawh.

Jail tlawhtute hian Covid-19 hripui léng meka jail-in harsatna an tawhte bakah, Covid-19 veite inkhung hran theihna tura hmunhma an neihte an en a; Central Jail hnenah PPE 30, surgical mask 100, N-95 mask 50, pulse oximeter panga, oxygen concentrator pahnih leh fumigating machine pakhat an pe a ni.