Ration card leh Aadhaar thlun zawm turin hriattir

Food, Civil Supplies & Consumer Affairs (FCSCA) department chuan nimin khan thuchhuah siamin, ration card leh Aadhaar card la thlun zawm lote leh ration card leh Aadhaar card-a hming chuang inmil lote tan rarion quota lak theih loh a nih thuai dawn avangin, la thlun zawm lote chu thlun zawm thuai turin an chah.

FCSCA tarlan danin, sorkar laipuiin India khua leh tui dik tak ration card neite'n ram chhung khawi hmunah pawn an ration quota an lak theihna tur 'National Portability of NFSA Card Holders under One Nation One Card' Mizoram sorkarin a kalpui dawn a, chuvang chuan ration card-a hming inmil lote'n ration an la thei tawh dawn lo.

Hei vang hian, Aadhaar la nei lo emaw, ration card leh Aadhaar la thlun zawm lo emaw, hming inmil lo emaw, Aadhaar felfai tâwk lote chuan a rang thei ang berin DC pisaa siamṭha tur leh a ṭul anga ration card felfai zawk siam turin mahni bialtu DCSO-ah bawhzui tur a ni.