COVID-19: Mizoram dinhmun : Hripui vei 226 hmuh belh a ni

June 23, Nilaini khan Mizoramah hripui vei mi 226 hmuh chhuah a ni. Nimin khan tlai dar 5 thlengin hripui laka fihlim tawh mi 121 chhuahtir an ni a, hripui vangin mi pakhat a thi thung.

Covid-19 vei hmuh tharte chu mipa 129 leh hmeichhia 97 niin, Aizawla veng 29, Lungleia veng pariat leh khaw dang 20-a mite an ni a; ZMC laboratory-a hmuh chhuah mi 41, TrueNAT-PCR hmanga hmuh mi 12 leh RAT hmanga hmuh chhuah mi 173 an ni.

June 2021-ah ni 23 chhungin hripui vei mi 6,239 hmuh chhuah a ni tawh a, chawhrualin Covid-19 positive hmuh chhuah ni tin mi 271 chuang hret (271.26) an awm ang a ni. Nimin zinga sorkarin Covid-19 positive result a tihchhuah hnuah enkawl lai mi 4,320 an awm a, hripui vei enkawl mek tam lai ber a ni leh bawk. 

Mizoramah Covid-19 vei mi 18,624 hmuh chhuah a ni tawh a; nimin tlai dar 5:00 thleng khan mi 14,217 (76.34%) chhuahtir an ni tawh a, mi 87 (0.47%) thi tawhin, enkawl mek mi 4,320 (23.19%) an awm. June 23, Nilainia swab sample endik dan chu - ZMC laboratory-ah 722, TrueNAT-PCR hmangin district pakuaah 319 leh RAT hmangin district 11-ah 2,095 a ni a, a vaiin sample 3,136 (mipa 1,720 leh hmeichhia 1,416) niin, chu'ng aṭanga hripui vei hmuh chhuah 226 chu 7.20% a tling.

Nilainia district-a Covid-19 positive hmuh dan chu - Aizawlah mi 140, Kolasib-ah 38, Lungleiah 31, Siahaah pariat, Hnahthialah panga, Lawngtlaiah pathum leh Serchhipah pakhat a ni. Hripui vei hmuh chhuah mi 226-te chu natna (symptom) lang chhuak 116 leh lang lo 110 an ni a; tualchhunga kái 224 leh state páwn aṭanga tun hnaia lut mi pahnih awmin, tualchhunga kái zingah kàina chin hriat loh mi 68 an awm.

Mi 226 zingah naupang kum tling lo mi 50 chuang awmin, a zatve aia tamin symptom an nei a, nausen kum khat tling lo pali telin, an zingah symptom nei an awm. Kum 60 chung lam mi 20 vel awmin, a zatve aia tamin symptom an nei a, symptom nei zingah a upa ber kum 94 mi pawh a tel a ni.

ZMC laboratory-a hmuh chhuah mi 41-te chu tualchhunga kái 40 leh state páwn aṭanga lut pakhat an ni a, mi pasarihin symptom an nei a, tualchhunga kái zingah kàina hriat loh pahnih an awm. TrueNAT hmanga hmuh mi 13 zinga pakhatin symptom a nei a, tualchhunga kái zingah kàina hriat loh pakhat a awm. RAT hmanga hmuh mi 173-te chu tualchhunga kai 172 leh state pawn aṭanga lut pakhat an ni a, kàina chin hriat loh 65 an awm a ni.

Nimin khan tlai dar 5 thlengin hripui laka fihlim tawh mi 121 chhuahtir an ni a; Aizawl district-ah mi 69, Kolasib district-ah 25, Lunglei district-ah 13, Siaha leh Saitual district-ah panga ve ve leh Serchhip leh Mamit district-ah mi pahnih ve ve an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,185 hmuh chhuah a ni tawh a, TrueNAT-PCR hmangin 1,231 leh RAT hmangin 11,207 hmuh chhuah a ni tawh.

June 23, 2021 thlengin Mizoramah swab sample 4,65,480 endik a ni tawh a, chu'ng aṭanga Covid-19 positive hmuh tawh zat 18,624 chu 4% a ni. Hripui vei hmuh tawh zinga mi 14,851 chu Mizoram chhunga kái chhâwng an ni a, mi 3,773 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 2
Armed Veng 3
Armed Veng South 6
Bawngkawn 1
Bethlehem Vengthlang 6
Central Jail 19
Chanmari West 1
Dawrpui 4
Dawrpui Vengthar 2
Dinthar 10
Durtlang (BSF) 1
Electric Veng 1
Falkland Veng 7
Hunthar Veng 2
Khatla 1
Khatla North 1
Mualpui 4
Phunchawng 14
Ramhlun North 2
Ramhlun South 5
RIPANS (KMV Projects) 1
Saron Veng 27
Tuikhuahtlang 1
Tuikual North 2
Tuikual South 1
Tuithiang Veng 1
Ṭhuampui 2
Venghlui 3
Zuangtui 2
Sairang Dinthar 5
Sairang Dawrveng 2

LUNGLEI DISTRICT
Lunglei Bazar Veng 2
Lunglei Chanmari 8
Lunglei College Veng 4
Lunglei Electric Veng 1
Lunglei Ramthar Veng 1
Lunglei Salem Veng 1
Lunglei Venglai 11
Lunglei Zotlang 1
Diblibagh 1
Putlungasih 1
ABCI Infrastructures 1

SIAHA DISTRICT
New Siaha West 1
Siaha New Colony-II 1
Siaha Vaihpi-II 1
Saikao (Serkawr) 4
Tipa (Tuipang) 1

KOLASIB DISTRICT
Bairabi 6
Bualpui 1
Kawnpui 1
Kolasib College Veng 4
Kolasib Saidan 2
Kolasib Ṭumpui 1
North Thinglian 1
Saihapui-K 6
Vairengte 12
Assam (Vairengte) 3
J&K (Vairengte) 1

SERCHHIP DISTRICT
Serchhip Farm Veng 1

LAWNGTLAI DISTRICT
Kamalanagar 2
Lawngtlai Bazar Veng 1

HNAHTHIAL DISTRICT
Maudarh (ABCI camp) 5