Covid-19 vanga thi pakhat awm belh

Covid-19 vei enkawl lai R Vanlalzuali (41) w/o Lalmawitlinga, Edenthar Veng, Aizawl chu nimin zing dar 8 khan State Referral Hospital (ZMC)-ah a thi a, nimin chhun dar 12 khan vui a ni.

R Vanlalzuali hi Covid-19 positive a ni tih May 1, 2021 khan hmuh chhuah niin, Durtlang BSUP CCC-ah enkawl a ni a, ni 10 hnua RAT hmanga swab sample endikah a negative avangin chhuahtir a ni. Thin leh lung (heart) ṭha lo a nih avangin a negative hnuah damdawi-in hrang hrangah a inentir a, chu'ngah chuan RAT-ah a negative zel a ni.

June 17 khan Civil Hospital, Aizawla a inentirnaah RAT hmangin sample endiksak leh niin, Covid-19 positive a ni tih hmuh chhuah leh a ni a, hemi ní hian SRH-ZMC-ah dah luh nghal a ni.

Nimin tlai dar 5 thleng khan Mizoramah hripui vei mi 87 an thi tawh a ni.