Nau paite'n vaccine lâk rih loh tur

Health & Family Welfare department chuan, Covid-19 laka invênna damdawi (vaccine) chu nau pâi laite hnenah pek rih loh tur a nih thu a puang.

Health department chuan June 23, Nilaini khan hriattirna ti­chhuak­in, nau pâi laite hnena vaccine pek leh pek loh tur chungchang chu Ministry of Health & Family Welfare-in a ngaihtuah mek a nih thu a tarlang a, "Vaccine hi nu nau hnute pe laite pek theih a ni tawh a, nu nau pâi laite vaccine pek leh pek loh tur chungchang chu MoHFW-in a ngaihtuah mek a ni," a ti.

Thuneitute'n an ngaihtuah mek a nih avangin tunah chuan nu, nau pâi laite hnenah Covid-19 vaccine pek rih loh tur a nih thu leh sorkar laipui phalna ngaihchàn rih tur a nih thu an tarlang a ni.