Aizawl khawpuiah lirthei tlân chhuak a tam hle

Covid-19 laka invèn nan Aizawlah inkhuahkhirhna kalpui la ni mah se, nimin khan Aizawl khawpuiah lirthei tlân chhuak a tam hle a, Treasury Square leh Chanmari inkarah phei chuan traffic jam a tam hle. Sorkarin inkaihhruainaah nimin kha computer leh mobile phone zawrhna leh siamna te, iron rod, balu, ràwrá, lung, leirawhchan, cement, electric bungrua, in sakna bungrua leh a kaihhnawih bungruate leh stationery dawrte hawn ni a nih bakah chawhmeh zawrh ni a ni a; dâwr dang zawng group A leh B inhawn chhâwk tura tihah group B ho hawn ní a ni bawk.