COVID-19: Mizoram dinhmun : June 2021 - Hripui vei hmuh chhuah tam ber thla a ni tawh

June 24, Ningani khan Mizoramah Covid-19 vei mi 224 hmuh chhuah a ni a, tun June thla kal mekah mi 6,460 hmuh tawh niin, hmuh chhuah tam ber thla a ni tawh. Nimin khan tlai dar 5 thlengin hripui laka filhlim tawh mi 153 chhuahtir an ni a, mi pahnih an thi thung.

Covid-19 vei hmuh tharte chu mipa 106 leh hmeichhia 118 niin, Aizawla veng 30, Lungleia veng panga leh khaw dang 23-a mite an ni a; ZMC laboratory-a hmuh chhuah 34, TrueNAT-PCR hmanga hmuh 15 leh RAT hmanga hmuh 175 an ni.

June thla kal mekah hripui vei mi 6,460 hmuh chhuah tawh a ni a, ni 24 chhunga Covid-19 positive hmuh zat hi thla khata hmuh chhuah tam ber a tling tawh a, May 2021 chhunga hmuh chhuah zat 6,268 chu 102-in a khûm tawh a ni.

Mizoramah Covid-19 vei mi 18,859 hmuh chhuah a ni tawh a; nimin tlai dar 5 thleng khan mi 14,469 (76.72%) chhuahtir an ni tawh a, mi 89 (0.47%) thi tawhin, enkawl mek mi 4,301 (22.81%) an awm.

June 24, Ningania swab sample endik dan chu - ZMC laboratory-ah 893, TrueNAT-PCR hmangin district 10-ah 240 leh RAT hmangin district 11-ah 2,280 a ni a, a vaiin sample 3,413 (mipa 1,952 leh hmeichhia 1,461) niin, chu'ng aṭanga hripui vei hmuh chhuah 224 chu 6.56% a tling.

Nilainia district-a Covid-19 positive hmuh dan chu - Aizawlah mi 131, Kolasib-ah 25, Lawngtlaiah 23, Lungleiah 17, Serchhipah pakua, Siahaah pariat, Mamit leh Hnahthialah pali, Champhaiah pahnih leh Khawzawlah pakhat a ni.

Hripui vei hmuh chhuah mi 224-te chu natna (symptom) lang chhuak 125 leh natna lang lo 99 an ni a; tualchhunga kái 212 leh state páwn aṭanga tun hnaia lut mi 12 awmin, tualchhunga kái zingah kàina chin hriat loh mi 74 an awm.

Mi 224 zingah naupang kum tling lo mi 60 vel awmin, a zatve tling lo deuhin symptom an nei a, nausen kum khat tling lo pahnih an tel. Kum 60 chung lam mi 16 aia tlem lo awmin, a zatve velin symptom an nei a, a upa ber chu kum 86 mi a ni.

Nimin khan tlai dar 5 thlengin hripui laka fihlim tawh mi 153 chhuahtir an ni a; Aizawl district-ah mi 95, Lawngtlai district-ah 22, Lunglei district-ah 15, Kolasib district-ah 12, Saitual district-ah paruk, Mamit district-ah pahnih leh Hnahthial district-ah pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,219 hmuh chhuah a ni tawh a, TrueNAT-PCR hmangin 1,246 leh RAT hmangin 11,393 hmuh chhuah a ni tawh.

June 23, 2021 thlengin Mizoramah swab sample 4,68,893 endik a ni tawh a, chu'ng aṭanga Covid-19 positive hmuh tawh zat 18,859 chu 4.02% a ni. Hripui vei hmuh tawh zinga mi 15,074 chu Mizoram chhunga kái chhâwng an ni a, mi 3,785 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng South 4
Bawngkawn 1
Bethlehem Veng 2
Bungkawn Vengthar 2
Chaltlang 11
Chanmari 6
Chhinga Veng 3
Dawrpui 1
Dinthar Veng 20
Electric Veng 1
Falkland Veng 1
Hunthar Veng 2
Kanan Veng 1
Khatla 1
Mission Vengthlang 1
Phunchawng 6
Ramhlun North 12
Ramthar Veng 4
Republic Veng 2
Salem Veng 1
Saron Veng 10
Tuikhuahtlang 1
Tuikual North 1
Tuivamit 4
Ṭhuampui 9
Upper Republic 1
Vaivakawn 1
Venghlui 11
Zarkawt 2
Zuangtui 1
Sairang 1
Sairang Dinthar 1
Samlukhai 1
Seling 4
(Shivalaya Const.)

LUNGLEI DISTRICT
Lunglei College Veng 1
Lunglei Rahsi Veng 4
Lunglei Salem Veng 1
Lunglei Venglai 10
Sethlun 1

SIAHA DISTRICT
New Siaha West 1
Saikao (Serkawr) 6
Siahatla-II 1

CHAMPHAI DISTRICT
Champhai Zote 2

KOLASIB DISTRICT
Kolasib Venglai East 9
Bairabi 6
New Builum 3
Pangbalkawn 1
Vairengte 5

SERCHHIP DISTRICT
Serchhip Darnam Veng 7
Dawngzawl (BSF) 2

LAWNGTLAI DISTRICT
Chawngte 13
(Kamalanagar)
Chawngte-L 7
Baraguisury 2
Damdep 1

MAMIT DISTRICT
Vawngawnzo 3
Marpara 1
West Phaileng 1
Karimganj (Kanhmun) 1

KHAWZAWL DISTRICT
Dulte 1

HNAHTHIAL DISTRICT
Hnahthial Electric Veng 4