ASF vangin vawk 7,579 a thi tawh

Vawk pùl hri, African Swine Fever (ASF) avangin nimin thleng khan Mizorama khua/veng 124 chu ASF infected area-ah puan a ni tawh a, chu'ngah chuan ASF vangin vawk 7,579 a thi tawh.

March 21, 2021 aṭanga nimin thleng khan Mizorama district 10-ah ASF a lêng tih finfiah a ni tawh a; Aizawl district-a khua/veng 67-ah a léng tawh tih finfiah tawh niin, Mizorama ASF darh zauna ber district a ni. Kolasib district-ah ASF infected area puan la awm lo mah se, nimin thleng khan khua/veng pahnihah chhan hriat lohin vawk pahnih a thi

tawh thung.

Lunglei district chu ASF vanga vawk thi tamna ber a ni a, nimin thleng khan Lunglei district-a khua/veng 29-ah vawk 2,980 a thi tawh. Hetih lai hian, infected area-a puan loh khua/veng 87 (district 11)-ah nimin thleng khan chhan hriat lohin vawk 541 a thi tawh bawk.

Animal Husbandry & Veterinary (AH&Vety) department chuan, chhan hriat loha vawk leh sanghal thi a awm chuan phone number 8731975444 leh 8974027269-ah hriattir zel turin mipui an ngen a ni.