Covid vaccine dose 5,45,444 pe tawh

Kumin January 16 aṭanga June 26, Inrinni thleng khan Mizoramah Covid-19 laka invênna damdawi (vaccine) Covishield dose 5,45,444 pek a ni tawh a, mi 4,91,366 hnenah dose khatna pek tawh niin, mi 54,078-in vaccine an la kim tawh.

Covid-19 vaccine hi Mizoramah sorkarin mi 4,91,366 hnenah a pe tawh a, chu'ng zinga mi 54,078 chuan dose hnihna an dawng tawh. Private facility-ah first dose mi 938 hnenah pek tawh niin, mi 11 hnenah second dose an pe tawh. Sorkar leh private facility-a vaccine pek tawh zawng zawng chu dose 5,45,444 a ni.

Chawlhkar liam ta (June 21-26) chhung khan Mizoramah Covid-19 vaccine dose 1,21,824 pek a ni a, chu'ng zinga dose 1,1,7016 chu kum 18-44 inkarte hnena pek niin, pek zawng zawng aṭangin 96.05% a tling. Kum 18-44 inkarte hnena pek hi dose khatna deuh vek a ni a, dose hnihna dawng tawh mi pakhat chiah an awm.

Thu dawn danin, Mizoram hi hmarchhak state zingah mihring awm zat aṭanga chhûtin Covid-19 vaccine pe ṭha ber dawttu a ni a, pe ṭha ber chu Tripura a ni.