CYMA-in ṭanpuina hlân

Central YMA hruaitute chuan June 26, Inrinni khan TNT, Muanna Veng an tlawh a, tun hnaia TNT ṭanpuina atana CYMA-in sum an dawn khawm Rs. 7,94,640 an hlân.

Tun hnaiah TNT-a awm mekte zingah Covid-19 positive eng emaw zat hmuh chhuah a nih avangin anmahni ṭanpuina turin CYMA chuan vehbûr an khawnsak a, YMA branch leh group-te bakah, mimal leh chhungkaw eng emaw zatin pawisa an thawh a ni.